Dua for 23rd of Ramadhan

اے شب قدر کے پروردگار

اور اس کو ہزار مہینوں سے بہتر قرار دینے والے

اے رات اور دن کے رب

اے پہاڑوں اور دریاؤں،

تاریکیوں اور روشنیوں

و زمین اور آسمان کے رب

اے پیدا کرنے والے ،اے صورتگر،

اے محبت والے، اے احسان والے،

اے الله، اے رحمن ،

اے الله، اے نگہبان ،

اے الله اے پیدا کرنے والے،

اے الله، اے الله، اے الله،

تیرے ہی لیے ہیں اچھے اچھے نام،

بلندترین نمونے،

اور بڑائیاں اور مہربانیاں تیرے لیے ہیں

تجھ سے سوال کرتا ہوں کہ محمد وآل محمد پر رحمت نازل فرما

اور یہ کہ آج کی رات میں میرا نام نیکوکاروں میں قرار دے،

میری روح کو شہیدوں کیساتھ قرار دے،

میری اطاعت کو مقام علیین میں پہنچا

اور میری برائی کو معاف شدہ قرار دے

اور یہ کہ مجھے وہ یقین دے جو میرے دل میں بسا رہے

اور وہ ایمان دے جو شک کو مجھ سے دور کردے

اور مجھے راضی بنا اس پر جو حصہ تو نے مجھے دیا

اور ہمیں دنیا میں بہترین زندگی دے،

آخرت میں خوش ترین اجر عطا کر

اور ہمیں جلانے والی آگ کے عذاب سے بچا

اور اس ماہ میں مجھے ہمت دے کہ تجھے یادکروں،

تیرا شکر بجا لاؤں، تیری طرف توجہ رکھوں،

تیری طرف پلٹوں اور توبہ کروں اور مجھے اس عمل کی توفیق دے جس کی توفیق تو نے محمد وآل محمد کو دی

کہ ان سب پر سلام ہو۔